НАРЫН ШААРДЫК КЕҢЕШИНИН XXVI ЧАКЫРЫЛЫШТАГЫ XIII КЕЗЕКСИЗ СЕССИЯСЫНЫН
№ 3 ТОКТОМУ
7-май 2014-жыл Нарын шаары
Кыргыз Республикасынын Гербинин автору Нарын шаарынын тургуну Абдраев Асейиндин жашаган үйүнө мемориалдык тактасын илүүгө макулдук берүү жөнүндө
1992-жылы Кыргыз Республикасынын Гербине карата жарыяланган Республикалык конкурска Нарын шаарынан А.Абдраев, С.Дубанаевдер барып катышып, 2 жылдык аракеттеринин негизинде конкурстан 1 орунду жеңип, Кыргыз Республикасынын Гербинин авторлору болуп калышкан. Ал эми 1996-жылы Кыргыз Республикасынын Герби Парижде өткөрүлгөн көргөзмөдө атайын медалга татыктуу болгон. 2000-жылы Польшада саясий плакаттардын ичинен биринчиликти алууга жетишкен. Кыргыз Республикасынын Гербинин 20 жылдык мааракесине карата Гербтин автору А.Абдраевдин жашаган үйүнө мемориалдык тактасын илүү боюнча Нарын шаардык Кеңешинин сессиясы
ТОКТОМ КЫЛАТ
- Кыргыз Республикасынын Гербинин 20 жылдык мааракесине карата, анын автору Абдраев Асейин жашаган Раззаков №10 “А” үйүнө мемориалдык тактасын илүүгө макулдук берилсин.
- Мемориалдык тактаны жазатып илүүнү көзөмөлдөө Гербдин авторуна тапшырылсын.
Төрага Э.Турсуналиев
Жөнөтүлсүн: иш кагазга, А.Абдраевге.