ДЕПУТАТТАРДЫН НАРЫН ШААРДЫК КЕҢЕШИНИН
XXV ЧАКЫРЫЛЫШТАГЫ КЕЗЕКТЕГИ XXIV СЕССИЯСЫНЫН
№ 6 /17 ТОКТОМУ
11-июль 2012-жыл Нарын шаары
Арыкулов Зарылбекке Нарын шаарынын «Ардактуу атууулу» наамын ыйгаруу жөнүндө.
Арыкулов Зарылбек 1948-жылы 17-январда Тянь-Шань районунун Он-Арча
айылында туулган.1965-жылы мектепти аяктаган соң эмгек жолун Тянь-Шань райондук «Жеңиш» газетасында корректор, андан кийин адабий кызматкер болуп иштөө менен баштаган.
1966-1968-жылдары «Коммунизм» мектебинде пионер вожатый,1968-1969-жылдары
«Он Арча» айылдык Советинде секретарь-депутат, 1969-1974-жылдары Самарканд соода институтунун экономика факультетин бүтүргөн.Нарын ОПС уюштуруу иштери жана кадрлар бөлүмүндө инструктор,товаровед, Ак Талаа,Тянь-Шань райполорунда башкы товаровед,Нарын шаардык кооперативдик соода тармагында директор, ПМКда башкы бухгалтер, Нарын АТПда экономист, майда дүң соода дүкөнүндө товаровед болуп иштеген.2009-жылдан бери Нарын шаардык аксакалдар сотунун мүчөсү.
Арыкулов Зарылбекке Нарын шаарынын «Ардактуу атуулу»наамын ыйгаруу боюнча депутаттык туруктуу комиссиянын протоколунун негизинде Нарын шаардык Кеңешинин сессиясы
ТОКТОМ КЫЛАТ
1. Ар тармактуу кызматтарда үзүрлүү иштеген көп жылдык эмгектери жана кошкон салымдары үчүн Арыкулов Зарылбекке Жобого ылайык сессияга катышкан депутаттардын көпчүлүк добушуна ээ болгондуктан, Нарын шаарынын «Ардактуу атуулу» наамы ыйгарылсын.
2. Жобого ылайык, Арыкулов Зарылбекке атайын жазалган үлгүдөгү Нарын шаарынын «Ардактуу атуулу» төш белгиси, лентасы жана күбөлүгү тапшырылсын.
Депутаттардын
Нарын шаардык Кеңешинин
төрагасы А.Көкөтаев
____________________________________________________________________________
Жөнөтүлсүн: иш кагазга, туруктуу комиссияга, шаардык мэрияга, шаардык архитектурага, ММДга, «Таза Нарын» ишканасына, З.Арыкуловго