НАРЫН ШААРДЫК КЕҢЕШИНИН V ЧАКЫРЫЛЫШТАГЫ
КЕЗЕКТЕГИ ХV СЕССИЯСЫНЫН
№ 4 ТОКТОМУ
19-сентябрь 2022-жыл Нарын шаары
№8 Жол тейлөө ишканасынын балансасындагы Нарын шаарынын А.Тыныбеков көчөсүндө жайгашкан “Нур” балдар бакчасынын имаратын кайтарымсыз муниципалдык менчикке өткөрүп алууга макулдук берүү жөнүндө
Кыргыз Республикасынын “Мүлккө муниципалдык менчик жөнүндө” Мыйзамынын 6-беренесинин негизинде, мамлекеттик мүлктү натыйжалуу пайдалануу максатында, Нарын шаардык мэриясынын 2022-жылдын 15-сентябрындагы №01-17/2365 катына ылайык Нарын шаардык Кеңешинин сессиясы токтом кылат:
- №8 жол тейлөө ишканасынын балансасындагы Нарын шаарынын А.Тыныбеков көчөсүндө жайгашкан “Нур” балдар бакчасынын имаратын кайтарымсыз муниципалдык менчикке алууга макулдук берилсин.
- Аталган имараттын тиешелүү иш кагаздарын Мыйзам талаптарына ылайык бүткөрүү Нарын шаардык мэриясына жана Нарын шаардык калкка кызмат көрсөтүү жана муниципалдык менчикти башкаруу боюнча муниципалдык ишканасына жүктөлсүн.
- Токтомдун аткарылышын көзөмөлдөө Нарын шаардык мэриясына тапшырылсын.
Төрага А.Молдосалиев
Жөнөтүлсүн: иш кагазга, юстиция башкармалыгына, шаардык мэрияга, ММИге.