НАРЫН ШААРДЫК КЕҢЕШИНИН V ЧАКЫРЫЛЫШТАГЫ
КЕЗЕКСИЗ XXVII СЕССИЯСЫНЫН
№2 ТОКТОМУ
24-ноябрь 2023-жыл Нарын шаары
“Нарын өндүрүштүк” муниципалдык ишканасын ачууга макулдук берүү жөнүндө
Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 45-беренесинин, Нарын шаардык мэриясынын Уставынын 3.7 пунктунун негизинде, Нарын шаардык мэриясынын 2023-жылдын 13-ноябрындагы №01-15/235 сунуш катына, Нарын шаардык Кеңешинин алдындагы “Бюджет, финансы жана экономика, ишкердүүлүк, инвестиция боюнча”, “Муниципалдык менчик жер, турак-жай, коммуналдык тейлөө, архитектура-курулуш, отун-энергетика, транспорт, экология боюнча”, “Мыйзамдуулук, укук тартиби, коргоо, Регламент, мандат, этика, коррупцияга каршы күрөшүү боюнча” туруктуу комиссияларынын кошмо отурумунун протоколунун чечимине ылайык, Нарын шаардык Кеңешинин кезексиз XXVII сессиясы токтом кылат:
- Нарын шаарынын А.Молдоев көчөсү №172 дарегинде жайгашкан цехтерге өзүн-өзү каржылаган чарбалык эсептеги “Нарын өндүрүштүк” муниципалдык ишканасын ачууга макулдук берилсин.
- Ишкананын иш кагаздарын Кыргыз Республикасынын мыйзамдарынын жана башка ченемдик укуктук актыларынын талаптарына ылайык келтирүү, Уставда каралган иштерди жүзөгө ашыруу Нарын шаардык мэриясына, “Нарын өндүрүштүк” муниципалдык ишканасына тапшырылсын.
- Токтомдун аткарылышы Нарын шаардык мэриясы тарабынан көзөмөлгө алынсын.
Төрага А.Молдосалиев
Жөнөтүлсүн:иш кагазга, юстиция башкармалыгына, мэрияга, өндүрүштүк ишканасына, ММИге.