НАРЫН ШААРДЫК КЕҢЕШИНИН IV ЧАКЫРЫЛЫШТАГЫ
КЕЗЕКТЕГИ ХХХIV СЕССИЯСЫНЫН
№ 7 ТОКТОМУ
6-ноябрь 2020-жыл Нарын шаары
Нарын шаардык Кеңешинин IV чакырылыштагы ХХХII сессиясынын 3-токтомунун 4-пунктунун аткарылышы жөнүндө
Кыргыз Республикасынын “Жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө” мыйзамдарына, Нарын шаардык Кеңешинин Регламентине ылайык, Нарын шаарынын 1-вице-мэри Д.Курмановдун токтомдун аткарылышы жөнүндө маалыматын угуп, талкуулап Нарын шаардык Кеңешинин сессиясы токтом кылат:
- Нарын шаардык мэриясы жана Нарын суу канал ишканасынын финансылык жана жалпы ишмердүүлүгүн карап чыгуу үчүн түзүлгөн мекеме, ишканалар аралык жумушчу комиссиясы тарабынан Нарын шаардык Кеңешинин IV чакырылыштагы ХХХII сессиясынын 3-токтомунун 4-пункту аткарылбагандыгы белгиленсин жана токтом толугу менен аткарууга алынсын.
- Нарын шаардык Кеңешинин IV чакырылыштагы ХХХII сессиясынын 3-токтомунун 4-пунктун аткарбаган жетекчилердин, кызмат адамдарынын жоопкерчилигин кароо жагы Нарын шаарынын мэрине тапшырылсын жана маалымат берсин.
- Нарын шаардык муниципалдык “Таза-Нарын” ишканасынын карамагында турган айрым автоунааларды ишкананын эсебинен чыгыштоо жана сатуу иштерин тез арада бүткөрүү Нарын шаардык мэриясына, Нарын шаардык муниципалдык “Таза-Нарын” жана муниципалдык менчикти башкаруу жана калкка кызмат көрсөтүү ишканаларына тапшырылсын.
- Токтомдун аткарылышы “Бюджет, финансы жана экономика, ишкердүүлүк, инвестиция боюнча” туруктуу комиссиясына жүктөлсүн.
Төрага Ж. Ботоканов
Жөнөтүлсүн: иш кагазга, юстиция башкармалыгына, мэрияга, Таза-Нарын, суу-канал ишканаларына, жумушчу комиссияга.